ྒྱལ་ཡོངས་བོད་ཀྱི་ཡིག་

点击蓝字关注这个神奇的公众号～

[原创文章：www.11jj.com]

བོད་ལྗོངས་མི་རིགས་སློབ་གྲྭ་ཆེན་མོའི་གངས་ལྷའི་བརྩེ་སེམས་ཚོགས་པ་ནི་སྤྱི་ལོ་༡༩༩༨ལོར་བོད་རིགས་སློབ་མ་འགས་གཙོ་གཉེར་བྱས་པའི་བོད་ཡིག་སློབ་ཚོགས་ཞིག་ཡིན་ལ་སྤྱི་ལོ་༢༠༠༣ལོར་སྔོན་གྱི་"བོད་ཡིག་སློབ་ཚོགས་"ཞེས་པ་ནས་ད་ལྟའི་གངས་ལྷའི་བརྩེ་སེམས་ཚོགས་པ་ཞེས་པར་དངོས་སུ་མིང་བསྒྱུར་བྱས་པ་ཞིག་ཡིན། ཚོགས་པའི་རྩ་འཛུགས་གྱི་སྒྲིག་གཞིའི་ངོས་ན་བརྗོད་ན་ཚོགས་པ་ཁྱོན་ཡོངས་ལ་ཡིག་བསྒྱུར་ཚན་པ། དྲིལ་བསྒྲགས་ཚན་པ། རྩོམ་སྒྲིག་ཚན་པ། རིག་རྩལ་ཚན་པ། ཡིག་གཟུགས་ཚན་པ། རྩ་འཛུགས་ཚན་པ། གྱེར་འདོན་ཚན་པ་བཅས་ཁག་བདུན་ལས་གྲུབ་ཡོད། ཚོགས་པ་འདི་དབུ་བརྙེས་པ་ནས་ད་བར་བོད་ལྗོངས་མི་རིགས་སློབ་གྲྭ་ཆེན་མོའི་"ཕུལ་བྱུང་སློབ་ཚོགས་"དང་"སྔོན་ཐོན་སློབ་ཚོགས་"སོགས་ཀྱི་བྱ་དགའ་ཐེངས་མང་ཐོབ་མྱོང་ལ་སྤྱི་ལོ་༢༠༠༧ལོར་བོད་རང་སྐྱོངས་ཀྱི་"ཕུལ་བྱུང་སློབ་ཚོགས་"ཀྱི་མཚན་སྙན་ཡང་ཐོབ་མྱོང་ཡོད། རྣམ་ཀུན་གྱི་བྱེད་སྒོའི་ངོས་ན་བརྗོད་ན་ངེད་ཚོགས་པས་གཟའ་འཁོར་རེའི་རེས་གཟའ་སྤེན་པའི་དགོང་མོའི་དུས་ཚོད་བེད་སྤྱད་ནས་རྒྱ་ཆེའི་བོད་སྐད་ཡིག་ལ་དགའ་ཞེན་ཆེ་བའི་སློབ་མ་ཡོངས་ལ་བོད་ཡིག་སློབ་ཚན་གསབ་འཁྲིད་དང། རྒྱ་བོད་ཡིག་བསྒྱུར་དེ་བཞིན་གཏམ་བཤད་འགྲན་བསྡུར། སྙན་ངག་གྱེར་འདོན་དང་རྩོམ་ཡིག་འགྲན་བསྡུར། ཡིག་གཟུགས་སློབ་པ་དང་འགྲན་བསྡུར་སྤེལ་བ། བོད་ཡིག་ཡིག་རྒྱུགས་གཏོང་བ་སོགས་ཀྱི་བྱེད་སྒོ་སྣ་ཚོགས་སྤེལ་ཀྱི་ཡོད། [本文来自：www.11jj.com]

༼སིང་སིང་དྲིལ་བུ་༽དང་༼གངས་ལྷའི་སྨྱུག་རིས་༽གཉིས་ནི་ངེད་ཚོགས་པས་གཉེར་བའི་ཚོགས་མིའི་རྩོམ་ཡིག་དང་ཡིག་གཟུགས་བརྩམས་བྱ་བཅས་ལས་གྲུབ་པའི་དུས་དེབ་ཞིག་ཡིན།   ངེད་ཚོགས་པའི་ཚོགས་མིས་བྲིས་པའི་རྩོམ་ཡིག་མང་དག་ཞིག་《 བོད་ལྗོངས་ཉིན་རེའི་ཚགས་པར་》 དང་དེ་བཞིན་《 ལྷོ་ཁའི་རྩོམ་རིག་སྒྱུ་རྩལ་ 》སོགས་དུས་དེབ་ནང་སྤེལ་མྱོང་ཡོད།

དེ་ཡང་ཁ་སང་རྒྱལ་ཡོངས་བོད་ཀྱི་ཡིག་གཟུགས་ཉིན་མོར་བརྟེན་འབྲེལ་ཞུ་ཆེད་དུ་རང་ཚོགས་པ་དང་སྤུན་ཟླའི་ཚོགས་པ་ཁག་གི་བོད་ཡིག་ཡིག་གཟུགས་ལ་དགའ་ཞེན་ཆེ་བའི་ཚོགས་མི་རྣམས་དང་དེ་བཞིན་གྱི་རང་སློབ་གྲྭའི་བོད་རིགས་སློབ་མ་ཡོངས་ནས་ཉིན་ཤས་གོང་ནས་གྲ་སྒྲིག་བྱས་པའི་ཡིག་གཟུགས་འགྲན་བསྡུར་གྱི་ཡིག་གཟུགས་བརྩམས་བྱ་དག་ལ་འདེམས་ཤོག་འཕེན་པ་དང་ཆབ་གཅིག་རང་ཅག་བོད་ཀྱི་ཡིག་མཁན་མང་དག་གཅིག་གིས་གནང་བའི་ཡིག་གཟུགས་དག་འགྲེམས་སྟོན་བྱེད་པ་ད་དུང་ས་ཡུལ་དངོས་སུ་ཕེབས་པའི་རང་སློབ་གྲྭའི་དགེ་སློབ་རྣམས་ནས་རང་ཉིད་ཀྱིས་རྒྱལ་ཡོངས་བོད་ཀྱི་ཉིན་མོར་སྨོན་ཚིག་གམ་ཡང་ན་བརྟེན་འབྲེལ་མཚོན་བྱེད་དུ་རང་ཉིད་ཕྱག་ནང་གི་པིར་རྩེ་ལས་ཡིག་གཟུགས་ཀྱི་ཟིན་ཐོ་གསར་པ་བཀོད་པ་སོགས་ཀྱི་ཕུན་སུམ་ཚོགས་ལ་ནང་དོན་ལྡན་པའི་བྱེད་སྒོ་ཞིག་གི་རྣམ་པ་མདོར་བསྡུས་ཙམ།

       ༡ ཡིག་གཟུགས་བརྩམས་བྱ་དག་ལ་འདེམས་ཤོག་འཕེན་པའི་རྣམ་པ།

 ༢ རང་ཅག་བོད་ཀྱི་ཡིག་མཁན་མང་དག་གཅིག་གིས་གནང་བའི་ཡིག་གཟུགས་དག་འགྲེམས་སྟོན།

 ༣ བརྟེན་འབྲེལ་མཚོན་བྱེད་དུ་རང་ཉིད་ཕྱག་ནང་གི་དཔིར་རྩེ་ལས་ཡིག་གཟུགས་ཀྱི་ཟིན་ཐོ་གསར་པ་བཀོད་པ་དང་ཁོང་ཚོའི་ཡིག་གཟུགས།

 ༤ དེ་བཞིན་བྱ་དགའ་འཐེན་པ་སོགས་ལས་ཉིན་དེ་རྒྱས་པར་འགྱུར།

图文|雪莲同心社

推送|次仁吉巴